He Tai Pari (Upoko Tuarima / Chapter Five)

Illustrations By Jenny Cooper and Translation By Kaharau Keogh

Fiction, Maori & Pasifika, Book Extract, Suitable for Young Readers
Sarina Dickson | The commuting Book
Sarina Dickson

Feb 24   ●  3 min read

To read previous chapters go to Stories

Upoko Tuarima

I te kāinga, ka pākōkō a Pāpā ki roto i te kuaha. “Paiā! Te kaha hoki o te ua i waho rā!” tana karanga ki te whānau. Ka wetekina ōna hū, ōna tarau me tōna hākete mākū, ā, ka kuhu ki roto i te whare. “Ari! Ari, tikina mai ētahi tāora maroke māku!” Ka rere mai a Māmā me ngā tāora maroke ia Riki ka tango mai i tana waea pūkoro mākū, āna kī mākū me tana wāreti mākū i tōna pūkoro.
“Kāore ia i konei, e te tau,” te kōrero o Māmā. Kei te māharahara ia.
“Kei hea ia? Kei konei ngā kōtiro?” Te pātai o Riki.
“Āe! Kei a rātou rūma … E Riki, kei te whakamā a Ari i tētahi mea. Ki tōku mōhio, e pā kau ana ki te aituā o Ted inanahi nei. Nā, kei te tino pukuriri a Kiri – ki a tāua rawa atu.”
Ka tōmau te reo o Māmā. “Me kōrero tāua ki a ia. Me kōrero koe ki a ia, e Riki. Me matua whākina a Ari ināia tonu nei. E whakapono ana a Kiri, mā tōna mōhio ki āu raruraru pānui e māmā anō ai tōna wairua.”
“Kua kīa kētia e au, kaua e whakatoimaha i a ia ki taua mōhiotanga. Ka pai noa iho ia.” Ka haria e Pāpā ngā tāora. “Me uwhiuwhi ahau. E hiahia hoki ana ki te kōrero ki a Koro.” te kōrero a Pāpā i a ia ka hīkoi ki te hīrere.
Ka noho a Māmā ki te tēpu i te kīhini, ka whakaaro noa mō ētahi rautaki e pai ai tana awhi i ngā raru ā tōna whānau. Ka whakaaro ia mō te torohū, me tana āhei ki te whakapōraru i te tangata. Mehemea ka tukuna e te whānau ō rātou torohū kia rere, ka kore e tino toimaha ō rātou wairua. Ka taea noatia e te whānau ngā māharahara a Ari te atawhai, kia ora anō tōna wairua.
Engari me hoki ora mai a Ari ki te kāinga, tuatahi. Tuarua, me kōrero a Riki ki a ia.
Ka whanga a Māmā kia oho anō a Ted.
Ka mōhio ia me aha. Ka matua mōhio ia.

 

Are you a professional or budding writer and want to contribute with a story? We would love to have you on board!